|
|
||
|
|
It is with pleasure that we once again publish Basque verse written by Mr. Juan C. Arrosagaray of Pomona, California Eskual-Herrira-Pidaia, 1970 ian. Airea: Aurten Arnua Merke Da, Lau-Bost Sosetan Pinta Da (1) Mila bederatzi ehun iru-ogoi ta amarra Pidaia luze batian aurten naiz joan baharra Jinko jaunak emaiten badu neri beharden indarra Duda gabe ikusiren dut nere sort-leku xaharra. (2) Luzaiden sortua eta gazte denboran han azi Ogoi urte betetzian sort-herri maitea utzi Geroztikan Kalifornian nabil arat onat beti Nekaturik ardurenian, eta plazer arras guti. (3) Nahi-gabe anitzetan iragan bizi modua Halarik ere oraino baduk kontzolamendua Gaizkiago zonbait ikusiz; Naiago neure gradua Gainera zeruan sartzeko dut esperantza osua. (4) Esperantza atxik dezagun bizi gireno mundian Harek gaitu kontsolatzen pena guzien erdian Baita ere oro argitzen nunnai behar ordian Aingeru bat badago beti, zerutik gure guardian. (5) Otoitz egin dezakogun aingeruno fidel horri Laguntza hark eman dezala gure behar ordueri Xantza onez gida gaitzala, orai goatzin pidaiari Biziko guk oroitzapena izanen baitugu hori. (6) Ekaina-in ogoi-ta-bortza, partitzeka tenoria Los Angeles-en hartuko du franses airezko xoria Hau izanen de enetako esperientzia berria Airekotan sartzen naizela orantxe lehen aldia. (7) Orai arte dakiguna gure pidaiain segida Amabi ordu ta erdiz arribatzen Paris-era Handik gero Baiona alde berriz airatuko gira Uztaila-ren lehen aireko, uste dugu Luzaide-ra. (8) Arnegui-tik jakina dut uste ez nuen berria Automobilez estaltzen dela karrika guzia Arras nekez dela handik Luzaide-rat pasatzia Mendi gainez hartu beharko haurrian kasi bidia. (9) Jendakia, adixkide, baita Luzaidar guziak Urrun danik bihaltzen tut oraiko konplimendiak Ez ahantzi egiteko guretzak otoitz nobliak Zuen ikusteko ditugu, hartzen irrisku aundiak. (10) Aitzinago joan gabe orai emen gelditzen niz Naiz oraino badauket zueri erraiteko anitz Kalifornian egiazki mintzatzera libro bainiz Eskualdun sortu, eta azi, eta Eskualdun hilen niz. CALIFORNIA-TIK, 1970 eke, Martxoa Juan Cruz Arrosagaray |
|
|
|
|
